Stýritækni Grunnnáms C
 

(Uppfært: desember 2024 Námsbrautir.is - Námsbrautagrunnur)
    Áfangalýsing

Í áfanganum eru kynnt helstu stýrikerfi sem notuð eru í iðnstýringum, þ.e. segulliðastýringar, og iðntölvustýringar og farið dýpra í segulliðastýringar, þ.e. kraft- og stýrirásir, heldur en gert var í STYR1A5. Farið er yfir virkni og notkun yfirálagsvarna, mótorvarrofa og varnarbúnaðar sem notaður er í kraft- og stýrirásum. Haldið er áfram með teikningar og staðla sem og kennslu teikniforrita fyrir segulliðastýringar (t.d. Acad og/eða PCschematic). Farið er yfir notkun tengilista og tengilistanúmera, strengja- og víramerkingar. Námið í áfanganum byggist að miklu leyti á verkefnavinnu og verklegum æfingum þar sem nemendur brjóta verkefni til mergjar, tengja, prófa og mæla og taka saman niðurstöður. Lögð er áhersla á að nemendur nýti sér mælitæki til að finna tengivillur og bilanir.

Námsgögn

    Stýringar STR4 (h. Eiríkur Guðmundsson) rafbók.is Kennslubók
    Stýringar STR4 (h. Helgi Svavar Reimarsson) rafbók.is Verkefnibók
 

    Námsmat og vægi námsmatsþátta

    Áhersla er lögð á leiðsagnarmat. Námsmat er í höndum kennara en þarf að fylgja þeim reglum sem kveðið er á um í skólanámskrá MÍ.
    Nemendur í dagskóla þurfa að vera með að minnsta kosti 85% mætingu til að fá lokamat í áfanganum.
    Miðað er við að nemandi hafi náð 45% námsmarkmiða í lok áfanga til að standast námsmat.
 

    Þekking

        Nemandi skal öðlast þekkingu og skilning á:

• Helstu stýrikerfum sem notuð eru í iðnstýringum.
• Notkun og virkni á yfirálagsvörnum fyrir rafmótora, mótorvarrofa og varnarbúnað sem notaður er í tengslum við kraft- og stýrirásir.
• Notkun og virkni endastoppsrofa, flotrofa og neyðarstoppsrofa.
• Notkun og virkni á þrýstiliðum og segullokum.
• Notkun á tengilistum og tengilistanúmerum.
• Notkun á merkingum, þ.e. víra- og strengjamerkingum

    Leikni

        Nemandi skal hafa öðlast leikni í að: 

• Nota nokkrar ræsiaðferðir fyrir rafmótora.
• Nota teikniforrit fyrir stýrirása- og kraftrásateikningar

    Hæfni

        Nemandi skal geta hagnýtt þá þekkingu og leikni sem hann hefur aflað sér til að:

• Framkvæma bilanaleit í segulliðastýringum.
• Skilja upplýsingar af skiltum rafmótora.
• Tengja stýri- og kraftrásir skammhlaups-mótora.
   

Annað sem kennari vill láta koma fram

Gott að nemendur koma með verkfæri með sér í tíma

Gangi þér vel

kv. Sigurður Óskarsson